الشحن والتوصيل
التوزيع بعربيات الشركة على خطوط منتظمة في الدلتا.
نطاق التوزيع
عندنا أسطول توزيع خاص بيغطي خطوط منتظمة على الدقهلية والشرقية والغربية والمراكز والقرى اللي حواليهم. الأوردر بيوصلك مع مندوب الشركة نفسه، مش مع شركة شحن.
لو نشاطك برّه خطوط التوزيع دي، كلّمنا على واتساب وشوف معانا أقرب حل — مش دايماً هيكون متاح، بس بنقولك من غير لف.
مواعيد التوصيل
كل منطقة ليها خط توزيع بيعدّي عليها بانتظام. مندوب حسابك هو اللي بيبلّغك ميعاد الخط الجاي على منطقتك، لأن الترتيب بيتغيّر حسب حجم الأوردرات والزحمة. مبنحددش ميعاد ثابت على الموقع عشان منوعدكش بحاجة ممكن تتأخر.
رسوم التوصيل
التوصيل داخل خطوط التوزيع بيتم بمندوبينا من غير رسوم شحن مضافة على الأوردر.
الحد الأدنى للأوردر
فيه حد أدنى لقيمة الأوردر عشان يخرج مع خط التوزيع. القيمة بتظهرلك في السلة بعد تفعيل الحساب، والسلة بتنبّهك لو الأوردر لسه أقل منها.
من الطلب لحد الاستلام
- تسجّل الأوردر من المتجر بعد تفعيل حسابك.
- الطلب بيوصلنا وبيتراجع، وفريقنا بيتواصل معاك يأكد الأصناف والكميات والعنوان قبل التجهيز.
- الأوردر بيتجهّز ويخرج على أقرب خط توزيع لمنطقتك.
- راجع الأصناف والكميات مع المندوب وقت الاستلام قبل ما تستلم.
الدفع
الدفع عند الاستلام للمندوب. لو حسابك عليه ترتيب دفع مختلف متفق عليه مع مندوب المبيعات، فالمتفق عليه هو اللي بيسري.
صنف ناقص أو مختلف
عرض الصنف على الموقع مش معناه ضمان توافره وقت التجهيز. لو صنف خلص بعد ما طلبته، بنكلّمك نعوّضه بصنف تاني أو نشيله من الأوردر قبل التجهيز. وأي نقص في العدد أو تلف ظاهر بيتسجّل مع المندوب وقت الاستلام وقبل التوقيع.
لو محتاج توضيح أكتر، كلّمنا: